saadahnews

“رمز الأصاله”..الشاعر زكريا الهادي

في الوقت ذي العالم من الذل مهزوم

تلقى اليمن مصنع رجال البساله

فلو الكرامه شُغل وايجار باليوم

إن الشعوب تعيش حد البطاله

إلا اليمن في جبهة العز مرسوم

فالعز ظِله والكرامة ظِلاله

والأصل في العزه موضح ومفهوم

سرّ التولي للولي ذو الجلاله

واحنا تولينا الولي حي قيوم

واحنا تولينا النبي ثم آله

واحنا تولينا علي أمر محسوم

وبعده تولينا العَلَم في الرساله

ومن تولى الله فالنصر محتوم

لو تجتمع كل الدول في زواله

فلو تزحف أمريكا مع الروس والروم

ولو يزحف المارينز وأهل العماله

ولو نشرب العلقم على الزاد مسموم

ولو يذبحو قدام واحد عياله

ولو يقطعونا اوصال واللحم مفروم

ولو يحرقو الجثمان يمحو خياله

فالبيع من ربي قد العقد مبروم

ربي اشترى من شعب خيرة رجاله

فمن برب الكون ما عاش مهموم

وبالله وحده زاد شعبي نضاله

وقرر يجيب الحلف وامريك مخزوم

وقرر يدوس العهر واهل النذاله

ويكلبش آل سعود واولاد مكتوم

ويدفن الصهيون بين الحثاله

ويحرر الأقصى من اتباع عيلوم

ونطهر العالم من اهل الضلاله

ويحج من كانه من الحج محروم

ويشوف في الإسلام رمز الأصاله

ويطوف مكه والجوازات مختوم

بشعار صرخه ما تغير مجاله

جواز ساري مدته وقت معلوم

قابل لعشر حجج مع اربع جماله

ونسجد لربي كلنا شُكر ملزوم

ونسبّح القدوس في كل حاله

الشاعر  / زكريا الهادي

التعليقات مغلقة.