saadahnews

نصيحة هيكل

شعر | 23 مايو | صعدة نيوز:

هـيـكـل نـصـحهم بس مابش فايدة
لا مـاغـرق فـرعون واحلاف اليهود

الـسـيـل جـاء طـم الـمـيـاة الـراكدة
واتـلاشـت ايامه في اعوام الصمود

قـد قـالـهـا الـمـرحـوم كـلمه واحدة
اذا انـتـصـرتـوا فـالـيمن يابن سعود

فــ الـمـكـتـبـة حـقـه يشـبـوا واقدة
تحـرق كتب هيكل وقبرة والطـرود

واتـجـاهلت تـلك الـقوى الـمتوافدة
ان الــيـمـن لا حـد غـزاهـا مـايـعـود

وشــعــبــهــا مـن قـمـتـة لـلـقـاعـدة
اسـود تـتـوارث شـجـاعـتـهـا اسـود

كـم سـطـروا فـيـهـا مـلاحـم خـالدة
وكـم على وضح النقاء يرقوا سنود

لــكـن حـلـف الـشر طــنـش نــاقـدة
لا مـا وقـع فـي فـخ مشفين الكبود

ومـــكـــنـــوهــا وارد الــمــاء واردة
وهــو يــعــزز بــالـمـدرع والـجـنـود

والـشـعـب صـامـد والقيادة صامدة
ولـجاننا والجيش في عمق الحدود

كــل الــقـبـائـل لـلـنـقـاء مـتـواجـدة
فـي كـل جـبـهه ذي نشاهدها وفود

رســالــتــي لــلـقـوم ذي مـتـعـاقـدة
بـالـمـال يـغـزونا معا الخصم اللدود

مـاحـد يـكـل يـاقـوم لـحمة ساعدة
ولا يـبـيـع ارضـه وعـرضـه بـالنقود

كـلاتـنـا اخـوة والـمـواقـف شـاهـدة
لا فـرق مـابـيـن الـشـوافـع والـزيود

مـاغـيـر ضـرتـنـا الـحـروب الـبـاردة
ذي شـنـها الليكود والا احـنا سـدود

مــن مـصلحة تـلك الـملوك الفاسدة
يــكــسـرونـا بـالـخـيـانـه عـود عـود

شــلـوا سـقـطرة والـعـند والـراهـدة
وشـوهـوا بـالـكذب تـاريخ الـجدود

و الــغـاز والـبـتـرول شـلـوا عـايدة
وفـوق هـذا عـادهـم حـطوا قـيـود

مـــن شـــان تـغـتـال الولد والوالدة
ويـخـفـوا الـتـقـريـر والـعـالم شهود

اخـــوان ذا شـــارد وهـــذا طـــاردة
للقتل في وسط الصحاري والحيود

هـــذا ولـــد زايـــد مـحـمـد قــايـدة
وذا ولـــد سـلـمـان والـخُـبره رقــود

يـــا كـاتـب الـتـاريخ قــل لـلـحاقدة
وقــل لـمـن خـانوا مـواثيق الـعهود

الــشـي مـايـعـطـيـه مـنـهـو فـاقـدة
ولا قـوى الـغـازي تـوزع شـي ورود

وقـلـهــم عـــاد الـــعــوايـد ســايـدة
وحـجـة الـغـايـب مـعـه لا مـا يـعود

#أمين_الجوفي

التعليقات مغلقة.